‘म त होइन तिम्रो’ चर्चामा (भिडियोसहित)

२०७४ साउन २५ बुधवार
Sujan Panta
‘म त होइन तिम्रो’ चर्चामा  (भिडियोसहित)
  • सरद राई

काठमाडौं । पछिल्लो समय नेपाली गीत संगीतको क्षेत्रले पनि आफ्नो दायरालाई फराकिलो बनाइसकेको छ । आधुनिकता सँगै नेपाली गीत संगीतको बजारले निकै चर्चा र लोक प्रिय कमाईरहेका छन् । नेपाली गीत संगीत क्षेत्रमा एक पटक चर्चामा आएर सेलाउने प्रबृत्ति पनि रहेको छ, भने पुनः कमब्याक गर्ने चलन पनि उत्तिकै रहेको छ ।

हो, यसै क्रममा नेपाली गीत संगीतको क्षेत्रमा एक पटक चर्चामा आएर बिचमा ग्याप बसेका गायक बीर कृष्ण लवट पुनः गीत संगीतकै क्षेत्रमा कमब्याक भएका छन् । उनले बि.सं. २०६३ सालमा आफ्नो पहिलो एल्बम बजारमा ल्याएका थिए भने सोही एल्बममा समाबेश गरिएको ‘टोखा बजार’ बोलको गीतले उनलाई चर्चाको शिखरमा पु¥याएको थियो ।

गायक बीर कृष्ण लवट काठमाडौंको टोखा क्षेत्रकै बासिन्दा हुन् । उनले ल्याएका ‘टोखा बजार’ बोलको गीतले काठमाडौंको टोखा क्षेत्रमा मात्र नभएर नेपाल भरीनै उनलाई चर्चामा ल्यायो । त्यस्तै, गायक लवट केही ब्याण्डमा आवद्ध भएर गिटारिष्ट र गायकको रुपमा स्टेज प्रोग्रामहरुमा पनि प्रस्तुत भएका थिए ।

उनले नेपाली गीत संगीतलाई पनि पुनः निरन्तरता दिन कमब्याक भएका छन् । केही साता अघि गायक लवटले आफ्नो श्रोता तथा दर्शकमाझ ‘म त होइन तिम्रो’ बोलको नयाँ पप गीतको भिडियो ल्याएका थिए । गायक लवटको यस गीतलाई दर्शक तथा श्रोताहरुले रुचाईरहेका छन् ।

दिनेश्वरको तण्डुकारको शब्द तथा संगीतमा ‘म त होइन तिम्रो’ बोलको गीतमा गायक लवटले आकर्षक रुपमा स्वरबद्ध गरेका छन् । साथै यस गीतको भिडियोमा गायक लवट आफैले फिचरीङ पनि गरेका छन् । उनलाई मोडल अञ्जी निरौलाले साथ दिएकी छन् । साथै, यो गीतको भिडियोमा सपार्टिङ मोडलको रुपमा निर्जरा, सुजन, सेवन, सतुर्गन, सुशिल, श्री लगाएत रहेका छन् ।

गायक लवटको ‘म त होइन तिम्रो’ गीतको भिडियोलाई किरण श्रेष्ठले सम्पादन र निर्देशन गरेका हुन् । साथै यो भिडियोको छायाङ्कन पनि आफैले गरेका हुन् । गायक लवटको यो दोस्रो भिडियो हो ।

गायक लवटको एक पछि अर्को गीतको भिडियो दर्शकमा ल्याउने योजना रहेको छ । गायक लवटले चाँडैनै ‘माया मेरी साह्रै राम्री’ गीतको भिडियो दर्शकमाझ रिलिज गर्दैछन् । यो गीतको भिडियोको कलरिङ्ग भइरहेको गायक लवटले जानकारी गराएका छन् । उनका अनुसार यो गीतको भिडियोलाई मुस्ताङ्गको विभिन्न रमणीय ठाउँहरुमा खिचिएको छ ।

गायक लवटको केहि गीतहरुको अडियो पनि युट्युभमा सार्वजनिक भइसकेको छ । जस्मा, मेरी मायालु, म त होइन तिम्रो, टोखा बजार, बिर्सेर गयो, किनर माया र माया मेरी साह्रै राम्री बोलको गीतको अडियो सामाजिक सञ्जाल युट्युभमा सार्वजनिक भइसकेको छ ।

आफ्नो दर्शकहरुलाई रिलिज गरिएको गीतको भिडियोलाई हेरेर प्रतिक्रिया दिनका लागि गायक लवटले आग्रह पनि गरेका छन् । दर्शकहरुबाट आउने सोही प्रतिक्रिया मार्फत आफुले अझ नेपाली गीत संगीतको क्षेत्रमा अगाडी बढ्ने हौसला मिल्ने बताउँछन् ।

‘म त होइन तिम्रो’ गीतको भिडियो हेर्नुहोस् :-