प्रधानमन्त्री र राजपाका शीर्ष नेताहरूबीच वार्ता

२०७४ साउन २७ शुक्रवार
Manisha Tripathee

काठमाडौं, २७ साउन । प्रधानमन्त्री शेरबहादुर देउवासँग भेटवार्ताका लागि राष्ट्रिय जनता पार्टी नेपालका शीर्ष नेताहरू बालुवाटार पुगेका छन् ।

अहिले केही समयपछि प्रधानमन्त्री देउवाले राजपाका नेताहरूसँग परामर्श गर्नु हुनेछ । वार्तामा सत्तारुढ दलका नेताहरूको पनि सहभागिता रहनेछ ।

राजपा नेपालका महासचिव केशव झाले प्रधानमन्त्री देउवाले मुलुकको पछिल्लो अवस्था, निर्वाचन र संविधान संशोधन लगायतका विषयमा छलफल गर्न बोलाएको जानकारी दिनुभयो ।

संविधान संशोधनको विधेयकलाई अगाडि बढाउन दवाव दिँदै आएका राजपाका नेताहरूलाई निर्वाचनका लागि पार्टीभित्र ठूलो दवाव छ ।