रौतहटको गोहानीमा लालबकैया पस्यो : एक सयघर डुबानमा, स्थानीय त्रसित

२०७४ साउन २८ शनिवार
Sujan Panta

रौतहट । रौतहटको देवाही गोनाही गाउपालिका –८ दोहर टोलमा लालबकैया खोलाको बाध फुटेपछि एक सय घर डुवानमा परेको छ । स्थानीय बासिन्दा शेख फुलबाबुले गाउँमा खोला पसेपछि स्थानीयबासिन्दा त्रासमा रहेको बताए ।

खोला परेपछि घरहरू पूर्ण रूपमा डुबानमा परेका छन् । बाँध फुटेर खोला गाउँमा पसेको छ । मानवीय क्षति नहोस् भनेर ठूलो संख्यामा प्रहरी परिचालन गरिएको जिल्ला प्रहरी कार्यालय रौतहटका प्रमुख एसपी यज्ञविनोद पोख्रेलले बताए ।

खोला गाउँ पसेपछि बालबालिका र वृद्धावृद्धा सबैभन्दा बढी मारमा परेका छन् । स्थानीयहरू बालबालिका, वृद्धवृद्धा, खाद्यान्न र लत्ताकपडा जोगाउन लागिपरेको शेखरहिसु आलमले जानकारी दिए । सो स्थानमा नेपाली सेना, सशस्त्र प्रहरी र जनपथ प्रहरी परिचालन गरिएको छ । उता, जिल्लाको गुजरा गाउँपालिकासमेत पूर्ण रूपमा डुबानमा परेको स्थानीय टीकाकिशोर चौधरीले बताए ।