डिजेल, पेट्रोल, ग्यासको मूल्यवृद्वि फिर्ता

२०७४ कात्तिक १६ बिहीवार
NewsDesk ShikharNews
डिजेल, पेट्रोल, ग्यासको मूल्यवृद्वि फिर्ता

काठमाडौं : नेपाल आयल निगमले बुवधार वृद्धि गरेको मूल्य फिर्ता लिएको छ।

निगमको सञ्चालक समितिको बिहीबार बिहान बसेको बैठकले उक्त मूल्य वृद्वि फिर्ता लिएको हो।निगमका प्रवक्ता विरेन्द्र गोइतका अनुसार आपूर्ति मन्त्रालयबाट वृद्धि भएको मूल्य फिर्ता लिन सञ्चालक समितिलाई निर्देशन दिएपछि उक्त मूल्य फिर्ता भएको हो।

प्रधानमन्त्री शेरबहादुर देउवाले आसन्न निर्वाचनलाई मध्यनजर गरी तत्काललाई मूल्य वृद्वि नगर्न आपूर्ति मन्त्री जयन्त चन्दलाई निर्देशन दिएपछि मन्त्री चन्दले सञ्चालक समितिबाट मूल्य वृद्धि फिर्ता लिन लगाएका हुन्।

निगमले बुधाबार रातिदेखि लागू हुने गरी ग्यास प्रतिसिलिन्डिर १३५०, पेट्रोल प्रति लिटर एक सय र डिजेल र ७५ रुपैयाँ ५०पैसा बनाएको थियो।
अब ग्यास १३२५, पेट्रोल ९८ रुपैयाँ र डिजेल र मट्टीतेल ७३ रुपैयाँ ५० पैसामा पाइने भएको छ।