स्थापितले भने – प्याक्टविरुद्ध निर्वाचन आयोग र अदालत जान्छु (भिडियो अन्तर्वार्ता)

२०७४ मंसिर १० आइतवार
NewsDesk ShikharNews
स्थापितले भने – प्याक्टविरुद्ध निर्वाचन आयोग र अदालत जान्छु (भिडियो अन्तर्वार्ता)

काठमाडौं महानगरपालिकाका पूर्व मेयर तथा काठमाडौं–६ का एमालेको प्रदेशसभाका उम्मेदवार केशव स्थापितले कांग्रेसका युवा नेता गगन थापाको बचाउमा विज्ञप्ति जारी गर्ने कृषि मन्त्रालयअन्तर्गतको व्यवसायीक कृषि आयोजना केन्द्र (प्याक्ट)विरुद्ध निर्वाचन आयोग र अदालतमा जाने बताएका छन्। शिखरन्युजसँग विशेष अन्तर्वार्तामा थापाको बचाइमा पुरै सरकार लागेको आरोप समेत लगाए ।

‘प्याक्टको विज्ञप्ति आचारसंहिताको विरुद्ध हो। त्यसविरुद्ध निर्वाचन आयोग जाँदैछु। अख्तियार दुरुपयोग हो। म अदातल जान्छु’ स्थापितले भने, यो विज्ञप्ति गगन थापा र अहिलेको सरकारको दबाबमा आएको हो। व्यक्तिको विवादमा सरकारी रकमबाट पत्रिकामा विज्ञाप्त गर्न पाइन्छ?’ प्रत्येक नागरिकसँग सूचना माग्ने हक रहेको भन्दै आफूले त्यही प्रयोग गरेको दावी गर्ने स्थापितले भने, ‘गगनजीले त्यसको जवाफ दिनुपर्छ ।’

शिखरन्युजसँग कुराकानी गर्दै स्थापितले काठमाडौं महानगरपालिकाका वर्तमान मेयरको बचाइ,  आफ्नो पुरानो कार्यकालको स्मरण मात्रै गरेनन् प्रदेशसभामा जिते गर्ने योजनाहरुको बारेमा प्रस्तुत गरेका छन्।

‘विद्यासुन्दरको १ सय १ कामको मुल ड्राफ मेरो हो । अहिले मेयरलाई काम गर्न गाह्रो भैरहेको छ,’ उनले भने ।