काठमाडौँमा रोबोटले खाना टक्राउने रेष्टुरेन्ट

२०७४ मंसिर १२ मंगलवार
Newsdesk Shikharnews
काठमाडौँमा रोबोटले खाना टक्राउने रेष्टुरेन्ट

वेटरले मेन्यु देखाएर खानाको अर्डर लिने र सोही बमोजिम खाना टेबुलमा ल्याएर राखिदिनु सामान्य कुरा हो । तर काठमाडौँको खिचापोखरीस्थित एक रेष्टुरेन्टमा जानु भयो भने अलि फरक दृश्य देख्न सक्नु हुन्छ । त्यहाँ रहेको रेष्टुरेन्टमा मान्छेले होइन रोबोटले खानाको अर्डर लिइरहेको र बाँढीरहेको दृश्य देख्न सकिन्छ । पिपुल्स प्लाजामा रहेको सो रेष्टुरेन्ट रोबोटबाट सेवा दिने नेपालकै पहिलो रेष्टुरेन्ट भएको सञ्चालक रञ्जित साहको भनाई छ । करिब २ करोड रुपैयाँ लगानीमा रेष्टुरेन्ट सञ्चालनमा ल्याइएको बताइएको छ । विज्ञान र प्रविधिको युगमा मानव जीवनलाई सहज, छिटो र छरितो बनाउँदै गएको भन्दै उनले प्रविधिको फाइदा लिन रोबोटबाट सेवा दिन थालिएको बताए ।