कांग्रेससँग हारगुहार गर्दै विक्रम पाण्डे

२०७४ मंसिर २० बुधवार
Sujan Panta
कांग्रेससँग हारगुहार गर्दै विक्रम पाण्डे

काठमाडौं । माओवादी केन्द्रका अध्यक्ष पुष्पकमल दाहाल प्रचण्ड उम्मेदवार रहेको चितवन ३ निकै चर्चामा छ । उनलाई एमालेको साथ छ । राप्रपा (प्रजातान्त्रिक) का विक्रम पाण्डेलाई कांग्रेसले समर्थन गरेपछि प्रतिस्पर्धा झनै रोचक बनेको छ । प्रचण्डको प्रचारमा एमाले अध्यक्ष केपी ओली र नेता माधव नेपाल पनि चितवन आइसकेका छन् ।

चितवन क्षेत्र नम्बर ३ मा कडा प्रतिस्पर्धा हुने आंकलन गरिए पनि प्रचण्डले सहज तरिकाले चुनाव जित्ने भएका छन् । किनकि चुनावको मुखैमा कांग्रेस र राप्रपाका नेता तथा कार्यकर्ताहरु धमाधम बाम गठबन्धनमा प्रवेश गर्न थालेका छन् ।

चुनावको मुखमा विक्रम पाण्डेका समर्थकहरु धमाधम बाम गठबन्धनमा प्रवेश गर्न थालेपछि पाण्डे अत्तालिएका छन् । स्रोतका अनुसार कांग्रेस र राप्रपाका जिल्ला स्तरीय नेता तथा कार्यकर्ताहरु धमाधम बाम गठबन्धनमा प्रवेश गर्न थालेपछि पाण्डे अत्तालिएर मौन बसेका छन् ।

पाण्डेले चुनाव आउनु केही दिन अघि मात्र सुकुम्वासी वस्तीलगायत पिछडिएका केही वस्तीमा रक्सीसँग राँगो, खसी, बोका काटेर आफूलाई भोट मागेका थिए । प्रचण्ड र केपी ओली माडी गएका बेला चोक चोकमा कुखुरा, खसी र रक्सीको पाटी गर्ने विक्रम पाण्डे मतदान हुने एकदिन मात्र बाँकी रहँदा चुनावी विषयमा कुरै गर्न छाडेका छन् ।

कांग्रेस र राप्रपाका उच्च स्तरका नेताहरु विक्रम पाण्डेको चुनावी प्रचारमा हिँडेपनि आफ्नो भोट प्रचण्ड र अन्य क्षेत्रमा बाम गठबन्धनलाई नै जाने गोप्य सहमति गरेका छन् । स्रोतका अनुसार प्रचण्डले ३ नम्बर क्षेत्रबाट विक्रम पाण्डेलाई ४० हजार मतान्तरले हराउने आंकलन भएको छ ।

कांग्रेस सभापति शेरबहादुर देउवाले जतिपटक सरकारको नेतृत्व गरे त्यति त्यति बेला कांग्रेस कमजोर बनेको र अहिले सभापति रहँदा कांग्रेस र लोकतन्त्र खतरामा पर्न सक्ने भन्दै प्रचण्ड र बाम गठबन्धनका उम्मेदवारलाई समर्थन गर्ने सहमति गरेको खुलासा गरेका हुन् ।

चितवन विकासको प्रचुर सम्भावना भएको जिल्ला भएकाले देशभरिका लागि एउटा नयाँ मोडेल प्रस्तुत गर्न आफू चितवनाट उम्मेदवार बनेको बताउँदै आएका प्रचण्डलाई सबै ठाउँबाट राम्रो सहयोग छ ।