दोस्रो चरणको मत गणना ललितपुरबाट शुरु

२०७४ मंसिर २२ शुक्रवार
Newsdesk Shikharnews
दोस्रो चरणको मत गणना ललितपुरबाट शुरु

काठमाडौं – प्रदेशसभा तथा प्रतिनिधि सभाको निर्वाचनको मत गणना भइरहदा दोस्रो चरणको मतगणना ललिपुरबाट शुरु भएको छ ।

रातको १ बजेदेखि ललितपुर  क्षेत्र नं २ र ३ को मतगणना सुरु भएको हो । क्षेत्र नं १ को मतगणना भने शुक्रबार बिहानदेखि मात्रै सुरु गर्ने तयारी भएको जनाएको छ ।

ललितपुरका तीनवटै निर्वाचन क्षेत्रमा ७२ प्रतिशत मत खसेको छ ।  चुनावमा पूर्व डिआइजी नवराज सिलवाल र कांग्रेस उम्मेदवार उदयशमशेर राणाबिच तीव्र प्रतिस्पर्धा रहेको छ भने, क्षेत्र नं २ मा कांग्रेसका चन्द्र महर्जन र एमालेका कृष्णलाल महर्जनबीच कडा प्रतिष्पर्धा हुने अनुमान गरिएको छ ।

त्यस्तै, क्षेत्र नं. ३ मा वाम गठबन्धनकातर्फबाट माओवादी केन्द्रकी प्रवक्ता पम्फा भुषाल र कांग्रेसबाट मदन बहादुर अमात्य उम्मेदवार छन ।