निर्वाचन परिणामपछि प्रधानमन्त्रीले राजीनामा दिनुपथ्र्यो : प्रदिप पौडेल (अन्तर्वार्ता)

प्रदिप पौडेल, नेपाली कांग्रेस केन्द्रीय सदस्य तथा युवा नेता

२०७४ पुस २७ बिहीवार
Newsdesk Shikharnews
निर्वाचन परिणामपछि प्रधानमन्त्रीले राजीनामा दिनुपथ्र्यो : प्रदिप पौडेल (अन्तर्वार्ता)

काठमाडौ, २७ पुस । नेपाली कांग्रेसका केन्द्रिय सदस्य तथा युवा नेता प्रदीप पौडेलले निर्वाचन परिणामपछि शेरबहादुर देउवाले प्रधानमन्त्री पदबाट राजीनामा दिनुपर्ने बताएका छन् ।

शिखरन्यूजको विशेष अन्तर्वार्तामा बोल्दै नेता पौडेलले जनमत स्पष्ट बाम गठबन्धनतिर गएपछि पार्टी सभापति देउवाले प्रधानमन्त्री पदबाट राजीनामा दिनुपर्ने बताएका हुन् ।

पौडेल गत प्रतिनिधिसभाको निर्वाचनमा तनहुँ क्षेत्र नम्बर २ को प्रदेशसभामा ५ मतले पराजित भएका हुन् । उनलाई गठबन्धनकी आशा कोइरालाले पराजित गरेकी हुन् ।

पराजित भएपछि पौडेलले सर्वोच्च अदालतमा मतगणना फेरी सत्यतथ्यसहित छानबिन हुनुपर्ने भन्दै निवेदन दिएका थिए । तर, उनको मुद्दा अदालतमा विचारधिन छ ।

पौडेलले आफूले निर्वाचन आयोगमा दिएको निवेदन पछाडी आफूलाई नबोलाएर एकैचोटि परिणाम सार्वजनिक गरेको आरोप समेत लगाए । उनले भने– ‘हामीले एउटा मतपेटिकामा भेटिएको ४२ मत कताबाट बढि आयो भनेर छानबिनको लागि निवेदन दियौं, तर निर्वाचन आयोगले गैरजिम्मेवारीपूण जवाफ दियो ।’

‘प्रतिनिधिसभा र प्रदेशसभा निर्वाचन सकिएको साता दिनमा काँग्रेसले समीक्षा बैठक डाक्नुपथ्र्यो । अहिलेसम्म डाक्ने छाँककाँट छैन । यस्तो कामका लागि पनि झकझक्याइरहनुपर्ने, दबाब सिर्जना गर्नुपर्ने नेतृत्वले पार्टीलाई कहाँ पुर्याउँछ ? पार्टीभित्र गर्नुपर्ने सुधारका पाटा धेरै छन्, त्यस्तो अनुभूति नगर्ने नेतृत्वले पार्टीलाई कहाँ पुर्याउला ?’ उनले भने ।

बाँकी अन्तर्वार्ता भिडियोमा हेर्नुहोस् :-