माओवादीका मन्त्रीहरुले सरकार छाडेसँगै गरे महत्वपूर्ण घोषणा

२०७४ पुस २८ शुक्रवार
Newsdesk Shikharnews
माओवादीका मन्त्रीहरुले सरकार छाडेसँगै गरे महत्वपूर्ण घोषणा

काठमाडौं, पुस २८ । अन्ततः सरकारमा प्रतिनिधित्व गरिरहेका माओवादी केन्द्रका मन्त्रीहरुले आज सामूहिक राजीनामा दिएका छन् । राजिनामा दिएसँगै उनीहरुले विनाविभागीय भएयताको पारिश्रमिक पनि नलिने घोषणा गरेका छन् ।

प्रधानमन्त्री शेरबहादुर देउवसमक्ष विनाविभागीय मन्त्रीको हैसियतमा रहेका माओवादी मन्त्रीहरुले गिरिराजमणि पोखरेलको नेतृत्वमा आज राजीनामा बुझाएका हुन् ।

माओवादीका तर्फबाट सरकारको नेतृत्व गरेका विनाविभागीय मन्त्री कृष्णबहादुर महरा राजधानी बाहिर रहेकाले मन्त्री पोखरेलको नेतृत्वमा राजीनामा बुझाइएको एक माओवादी नेताले शिखरन्यूजलाई जानकारी दिए ।

गत जेठमा कांग्रेस सभापति शेरबहादुर देउवाको नेतृत्वमा निर्माण भएको सरकारमा नेता महराको नेतृत्वमा माओवादी मन्त्रीहरु सहभागी भएका थिए ।