सकियो ९औं ज्ञानमाला सम्मेलन




२०७४ पुस २९ शनिवार
Newsdesk Shikharnews

काठमाडौँको चावहिलस्थित चारुमती ज्ञानमाला भजन समूह र चारुमती बुद्ध विहारको आयोजना र व्यवस्थापनमा भएको ९औं राष्ट्रिय ज्ञानमाला सम्मेलन शनिबार सम्पन्न भएको छ । विहिवारदेखि सुरु भएको सम्मेलनमा देशका विभिन्न जिल्लाबाट ४६ बौद्धमार्गी भजन समूह सहभागि भएका थिए । चावहिल घोषणपत्र सार्वजनिक गर्दै सम्मेलन शनिबार सम्पन्न भएको हो ।

ज्ञानमाला सम्मेलनले देशका विभिन्न भागमा रहेका भजन समूहमार्फत बौद्ध धर्म र दर्शन सम्बन्धी भजन गायनमार्फत् गौतम बुद्धका सन्देश फैलाउदै आइरहेको चारुमती बुद्ध विहारका प्रमुख तपस्सी धम्मले बताए ।