बि.सं.२०७४ साल पौष ३० गते आइतवारको राशिफल




२०७४ पुस ३० आइतवार
NewsDesk ShikharNews

मेष राशिः
मेष राशि हुनेहरुको लागि आजको दिन खासै अनुकूल मान्न सकिन्न । ग्रहले मानसिक अशान्ति तथा स्वास्थ्य समस्या बढाउने सम्भावनालाई देखाइरहेको छ । दीर्घ रोगीलाई बढीकष्ट हुनसक्ने छ । सर्वसाधारणलाई हतार गर्दा कार्यबाधा र खतिक्षति हुनसक्ने सम्भावना रहेकोले नहतारिएकै राम्रो हुनेछ । प्रतिकूल ग्रहप्रभावले सामान्यतया किंकर्तव्यविमूढताको अनुभूति हुनसक्ने छ संयमित रहनुपर्ला । उपर्युक्त प्रतिकूलताको बाबजुत पनि होसमा व्यवहार गर्नेहरुको लागि नसोँचेको पक्षबाट उपलब्धि पनि प्राप्त हुनेछ । आज यहाँले आठ अङ्क, रातो रङ्गको प्रयोग र भगवान श्रीरामको श्रद्धाभक्ति गर्नु शुभप्रद हुनेछ ।
वृष राशिः
वृष राशिका व्यक्तिहरुको लागि आजको दिन सांसारिक एवम् भौतिक सुखपूर्ण रहनेछ । व्यापार व्यवसाय आदिबाट राम्रो आर्थिक लाभ गर्न सकिनेछ । भने विभिन्न खालका उपलब्धि हातपर्ने छ । आफन्तजनको सहयोग मिल्ने हुनाले भावि कार्यको लागि हिम्मत तथा साहस बृद्धि हुनेछ । दाम्पत्य तथा पारिवारिक दिनचर्यामा सुधार आउनाले मानसिक शान्ति महसूस हुनेछ । यात्रा, मनोरञ्जन एवम् सांस्कृतिक परिवेशको वातावरणसँग पनि नजिक हुन पाइएला । आज यहाँलाई सात अंक, सेतो रङ्ग अनुकूल रहने छ भने नवदम्पतिलाई उपहार दिनुले प्रतिष्ठा बढाउनेछ ।
मिथुन राशिः
मिथुन राशिका व्यक्तिहरुको लागि आजको दिन अनुकूल एवम् सकारात्मक रहेकोले कार्यक्षेत्रमा सफलता मिल्नेछ । अवसर तथा समयको सदुपयोग गर्नाले प्रतिस्पर्धामा विजयी भइनेछ भने स्वकार्यबाट पनि राम्रो उपलब्धि गर्न सकिनेछ । जागिर आदि पेशाको क्षेत्रमा पनि अनुकूल एवम् सहज वातावरण बन्ने र स्याबासी मिल्नेछ । स्वास्थ्यमा आरोग्यता बढ्न गई कान्तिमा बृद्धि हुनेछ भने शारीरिक स्फुर्ति बढ्नाले कामकार्यमा पनि मनग्य रुचि लाग्नेछ । विरोधीसँग प्रतिवादमा आज यहाँको प्रस्तुति खरो हुनसक्ने छ । उद्यम व्यवसायबाट आर्थिक लाभ हुनगई सन्तुष्टि मिल्नेछ । आज यहाँलाई कुट्नीतिक कार्यमा विशेष सफलता मिल्ने दिन छ ।

कर्कट राशिः
कर्कट राशिका व्यक्तिहरुको लागि आजको दिन गोचरमा सुधार आएको छ तथापि विद्वदता तथा मुढेज्ञानको प्रमाद् बढ्ने हो कि भन्ने शङ्का पनि देखिएको छ । अर्काको निन्दाचर्चामा समय बित्ने र गोपनीयता खुश्कनसक्ने प्रबल सम्भावना छ ख्याल गर्नु होला ।  मै जान्ने हु“ भन्नखोज्दा तथा आत्मप्रशंसाको आसक्ति पाल्दा झन कमजोरी देखिनसक्छ । तथापि मानवीय व्यवहार र धैर्यता गर्नाले प्रतिष्ठा जोगिनसक्ने छ । केहीहदसम्म सन्तानबाट सुख मिल्लेछ ।  व्यवसायबाट लाभ प्राप्त हुनेछ । अध्ययन अध्यापन तथा लेखनमा सुधार आउने छ । आज पाँच अङ्क, रातो रङ्गको प्रयोग र भगवान सूर्यनारायणको दर्शन भक्ति स्तुति गर्नु विशेष फापसिद्ध हुनेछ ।

सिंह राशिः
सिंह राशि हुनेहरुको लागि आजको दिन तार्किक एवं वहसपूर्ण कार्यमा तथा बैठक आदिमा मत बाझिने र असमझदारी हुनसक्ने ग्रहगोचर छ । सहकर्मी तथा मित्रवर्गसँग द्वन्द सृजना हुनसक्ने छ ख्याल पुर्याउनु पर्ला । चलिरहेको कार्यमा अबरोध आउनसक्ने एवम् वेचैनी बढ्नसक्ने साथै छरछिमेकी तथा हितैसीसँगको सम्बन्धमा तुषारो पर्नसक्ने भएकोले होसियार हुन जरुरी छ । मानसिक संकिर्णताको कारणले कार्यमा प्रतिकूलता आउनसक्ने भएकोल मानसिक धैर्यतालाई धारण गर्नु बुद्धिमानी हुनेछ । खासै वास्ता नगरिएको काम बनेर लाभ तथा उपलब्धि हुने र गर्जो टर्नेछ । मातृजनको सेवा तथा भेट्दर्शन फलिफापपूर्ण हुनेछ ।
कन्या राशिः
कन्या राशि हुनेहरुको लागि आजको दिन पुरुषार्थिलो रहनेछ । जोशजाँगर बढेर आउने हुनाले रोकिएर रहेको काम पूरा गर्ने मौका मिल्नेछ । सहयोगीहरु जुट्ने र इष्टमित्र तथा जानपहिचानका व्यक्तिहरुबाट प्रशंसा पाइनेछ । बन्धुबान्धवबीचको सम्बन्धमा सुधार आउनेछ भने सहकार्यको लागि प्रस्ताव पनि आउनसक्नेछ । पेशागत क्षेत्रबाट आर्थिक उपार्जन गर्न सकिनेछ । तेस्रोक्रम, प्राकृतिक हरियो रङ्गको उपयोग आज तपाईको लागि उपयुक्त रहनेछ भने कसैको दाजुभाइबीचको सम्बन्धमा सुधारको लागि समन्वय गरिदिँदा प्रष्तिठा बढ्ने छ । त्यस्तै भगवान आदित्यको स्तुति पनि यहाँको लागि उपयुक्त हुने देखिन्छ ।

तुला राशिः
तुला राशिहुनेहरुको लागि आजको दिन ग्रहगोचर अनुकूल एवम् सकारात्मक प्रभावशाली देखिएको छ । वाणीमा मिठास आउने हुनाले बोलीवचनको भूमिकाले मान्छेहरुको मन जित्न सकिनेछ । प्रवचन, भाषण तथा अध्यापन एवम् तर्कजन्य विषयमा यहाँको प्रस्तुति सकारात्मक र प्रभावशाली हुनेछ । व्यवसायिक कार्यमा प्रगति हुनगई आर्थिक सुधार एवम् लाभ हुनेछ । परोपकार एवम् समाजिक सेवाका कार्यमा सरिक हुने मौका मिल्नसक्ने छ । नाता–कुटुम्बिक सम्बन्ध विस्तार हुनेछ तथा परिवारमा नयाँ सदस्यको आगमन हुनसक्ने छ । आज यहाँको लागि दोस्रोक्रमसँख्या, उज्यालो रंगको प्रयोग फापसिद्ध रहनेछ भने मान्यजनप्रति सम्मानको व्यवहार गर्नु हितप्रद हुनेछ ।

वृश्चिक राशिः
वृश्चिक राशिहुने व्यक्तिहरुको लागि आजको दिन कान्ति तथा रुपरङ्ग र शारीरिक आकर्षण बढ्नेछ । मानप्रतिष्ठा पनि बृद्धि हुनेछ । भने मिठो खानेकुरा प्राप्ति हुनसक्ने छ । व्यवसायबाट धनलाभ हुने एवं भौतिक सुख र आत्मसन्तुष्टि मिल्नेछ । अभिष्टकार्यमा सफलता मिल्नसक्ने गोचर रहेको छ, ईच्छित कार्य पूर्णताको लागि दृढताको साथमा अगाडि बढ्नसकिने छ । कार्यक्षेत्रमा तथा सामाजिक जिम्मेवारी थपिनसक्ने छ । मनोरञ्जनात्मक कार्यक्रम आदिमा पनि सरिक हुन पाइने छ । नयाँ लगानीको प्रस्ताव आउनसक्ने छ भने लगानी भएको शेयरमा बृद्धि हुनाने छ । आज तपाईले सूर्यनमस्कारको योग साधना गर्नु विशेष शुभकर हुनेछ ।
धनु राशिः
धनु राशि हुनेहरुको लागि आजको दिन संघर्षप्रद छ । अल्लि बढी कोसिसले मात्रै थोरै सफलता हात लाग्नेछ । खर्च बढ्ने ग्रहयोग रहेकोले फजुल विषय मन आकर्षित हुनेछ । पारिवारिक आवश्यकताहरु पनि बृद्धि हुने र आर्थिक भार थेग्न हम्मेहम्मे पर्नेछ । आज मानसिक चञ्चलतालाई रोक्न धैर्य र संयम धारण गर्नु उपयुक्त हुनेछ । प्रतिकूलता हटाउन कुमारीदेवीको भक्तिभावले मद्दत दिनेछ । यहाँको लागि आज तीन अङ्क र पहेंलो रङ्ग हितकर हुनेछ भने असहाय क्षेत्रमा दानदिनाले खर्चयोगको दोषलाई न्यूनिकरण गर्न सकिनेछ ।

मकर राशिः
मकर राशिहुने व्यक्तिहरुको लागि आजको दिन आम्दानीकर देखिएको छ तथापि विशेष अपेक्षा गरेको अर्थोपार्जन वा उपलब्धि हुनलाई केही अबरोध भने हुनसक्ने छ । जसको निवारणको लागि गुरु गणेशको सेवाआराधना उपयुक्त हुनेछ । बाँकी क्रियाकलापमा गोचर ग्रहले राम्रै साथ दिएकै छ । सामान्यतया व्यवसायिक क्षेत्रबाट लाभ गर्न सकिनेछ भने अन्य पेशाको क्षेत्रमा पनि सफलता मिल्नेछ । इष्टजनसँग पनि भेट्घाट हुन र शुभसमाचार सुन्न पाइने दिन रहेको छ । अध्ययनको पक्षमा पनि गोचर प्रभाव सकारात्मक देखिन्छ । प्रेमसम्बन्ध पनि बलियो बन्नेछ । विशेष अपेक्षित उपलब्धिको लागि भगवान श्रीरामको श्रद्धाभक्ति गर्नु शुभप्रद हुनेछ ।

कुम्भ राशिः
कुम्भ राशिका व्यक्तिहरुको लागि आजको दिन मानसम्मान एवम् पदप्रतिष्ठा मिल्ने खालको रहेको छ । व्यापार व्यवसाय, राजनीति एवम् समाजसेवाको क्षेत्रबाट प्रशंसा प्राप्त हुनेछ । उच्चवर्ग तथा उच्चपदस्थ व्यक्तित्तहरुसँगको भेटघाटले महत्त्वाकांक्षी भावना भने बढाउने देखिन्छ । विशेष विषयमा गम्भीर चर्चाको वातावरण बन्नसक्ने छ । कार्यक्षेबाट यथोचित भौतिक लाभ हातपर्ने ग्रहयोग देखिन्छ । यहाँलाई आज एक अंक, रातो रङ्गको प्रयोग अनुकूल रहने छ भने प्राप्त अवसरलाई दृढताको साथमा सदुपयोग गर्न तथा आत्मबल बढाउन सूर्यदेवको भक्ति गर्नु वरदानतुल्य हुनेछ ।

मीन राशिः
मीन राशिका व्यक्तिहरुको लागि आजको दिन ग्रहको केही अबरोध देखिएको पनि छ रपनि दिनलाई सुधार भएको मान्न सकिन्छ । बढी अपेक्षा गरिएको काम भने प्रभावित हुनेछ । भाग्यको बृद्धि हुने तथा मनमा सात्त्विक विचारले प्रसय पाउने छ । केही धार्मिक कार्य सम्पादन गर्नसकिने छ । धार्मिक एवम् आध्यात्मिक उत्प्रेरणाको बलले दैनिक व्यवहारमा समेत मद्दत पुर्याउने छ । केहीहद्सम्म व्यवसायिक कार्यमा सफलता मिल्नाले आँट बढ्नेछ । नोकरी आदि क्षेत्रमा आएका अबरोधहरु हटाउन पहल हुनेछ भने राजनीति तथा संघसंस्था आदिको क्षेत्रमा संलग्नता र हैसियत अनुसारको जिम्मेवारी एवम् भूमिकाको आशा देखिनसक्ने छ ।  आज तपाईँले मान्यजनलाई खुशी बनाउनु शुभप्रद हुनेछ ।