आक्रमणको सूचनाले अमेरिकाको हवाई राज्यमा आतंक




२०७४ पुस ३० आइतवार
NewsDesk ShikharNews

न्युयोर्क । अमेरिकाको हवाई राज्यमा बालिस्टिक क्षेप्यास्त्र आक्रमण भएको सूचनाले त्यहाँका जना शनिबार आतंकित बनेका छन् । पछि उक्त सूचना गलत भएको बताइएको थियो ।

मोबाइल फोन प्रयोगकर्ताहरुले आफ्नो मोबाइलमा ‘बालिस्टिक क्षेप्यास्त्र हवाईलाई लक्षित भएर छाडिएको छ । तत्कालै सुरक्षित स्थानमा जानुहोस् । यो कुनै ड्रिल होइन,’ भन्ने सूचना पाएका थिए ।

राज्यका गर्भनर डेभिड इगले ‘कर्मचारीले गलत बटन थिचेको कारण गल्ती भएको’ भन्दै माफी मागेका छन् ।

अमेरिकी सरकारले यसबारे थप अनुसन्धान गर्ने बताएको छ ।

उत्तर कोरियाबाट हुन सक्ने सम्भावित क्षेप्यास्त्र आक्रमणबाट जोगिन सो राज्य मिसाइल अलर्ट सिस्टम राखिएको छ ।