टेम्पोको ब्रेक फेल हुँदा चार घाइते

२०७४ पुस ३० आइतवार
Newsdesk Shikharnews

ललितपुर । ललितपुरको कुपण्डोलमा आइतबार बिहान टेम्पोको ब्रेक फेल हुँदा चार जना घाइते भएका छन् ।

बा १ ह ४१४५ नम्बरको टेम्पोको ब्रेक फेल भएर बाटो छेउमा रहेको फलामको रेलिङमा ठोक्किन पुगेको थियो ।

घाइतेहरुलाई तत्कालै नर्भिक अस्पतालमा उपचारका लागि लगिएको थियो ।

ट्राफिक प्रहरीका अनुसार एक जनाको टाउकोमा चोट लागेको छ भने अन्यलाई सामान्य चोटपटक लागेको छ ।