किन गरिन्छ भैसी सुन्दरी प्रतियोगिता ?

२०७४ पुस ३० आइतवार
Newsdesk Shikharnews

पाकिस्तानमा सबैभन्दा सुन्दरी भैंसीको खोजीमा भएको सुन्दरी प्रतियोगितामा २ सय भन्दा बढी भैंसीहरुले भाग लिएका छन् । ‘बीबीसी’का अनुसार पाकिस्तानको उत्तरी जिल्ला स्वातको मुख्य शहर मिनगोरामा चलेको उक्त प्रतियोगितामा भैंसी पाल्ने किसानहरु आ–आफ्नो भैंसी लिएर भेला भएका थिए । स्थानीय पत्रिका ‘द डन’ का अनुसार यो प्रतियोगीता तीन दिनसम्म चलेको थियो । ‘द डन’ले राम्रो भैंसीको प्रजातीलाई प्रोत्साहन गर्नको लागि उक्त प्रतियोगीता सञ्चालन गरेको थियो । यस सुुन्दर भैंसी खोज्ने प्रतियोगितालाई अमेरिकी सरकारको बित्तिय संस्था युएसएडले आर्थिक सहयोगसमेत गरेको थियो । जसमा सबैभन्दा सुन्दर भैंसीले एक लाख ५० हजार रुपैयाँ पुरस्कारसमेत पाएकी थिइन् ।

 

बीबीसीले यस्तो सुन्दरी भैंसीहरुको प्रतियोगिता पहिलोपटक भएको उल्लेख गरेको छ । पाकिस्तानको पशुधन मन्त्रालयले अजीखेली प्रजातिको भैंसी लोप हुन लागेकोले स्थानीय तहमै यस्तो प्रतियोगिता आयोजना गरीएको जनाएको छ । मन्त्रालयका बरीष्ठ अधिकारी मुहिबुल्लाह खानले अजीखेली प्रजातिको भैंसी स्वात क्षेत्रमा मात्रै पाइने बताए । यस प्रजातीको भैंसीहरु चिसो मौसम भएको स्थानमा मात्र पाइने गर्दछन् । पशुविज्ञहरुले यस जातको भैंसी हेर्दा सुन्दरमात्र देखिने नभइ यसले दिने दुध अन्य भैंसीकोभन्दा पौष्टिक, धेरै र मिठो हुने बताएका छन् । त्यस्तै यसको माशुसमेत अन्य जातको भैंसीको तुलनामा बढी स्वस्थकर हुने उनीहरुको भनाई छ ।