दुई चुलोमा जनयुद्ध दिवसको भान्सा, आहुति, किराँती र लोकेन्द्र बैद्यतिर




२०७४ फागुन १ मंगलवार
Udaya GM

काठमाडौं, १ फागुन । २३ वर्षअघि आजकै दिन जनयुद्धको घोषणा गरेको माओवादी यतिबेला विशेषतः ३ चिरामा विभाजित छ । यही विभाजनकै कारण तत्कालीन माओवादीबाट विभाजित घटकहरुले आज दुई ठाउँमा चुलो बालेर जनयुद्ध दिवस मनाएका छन् ।

तत्कालीन माओवादीको ठूलो हिस्सा रहेको नेकपा माओवादी केन्द्रले पार्टी मुख्यालय पेरिसडाँडामा २३ औं जनयुद्ध दिवस मनाएको छ । पेरिसडाँडामा आयोजित कार्यक्रममा अध्यक्ष प्रचण्डले केक काटेर जनयुद्ध दिवस मनाएका छन् ।

यता भृकुटीमण्डपस्थित राष्ट्रिय सभागृहमा भव्य कार्यक्रमको आयोजना गरी नेकपा क्रान्तिकारी माओवादी र नेपाल कम्युनिष्ट पार्टीले संयुक्तरुपमा जनयुद्ध दिवस मनाएका छन् । क्रान्तिकारी माओवादीको मोहन वैद्य “किरण” र नेकपाको नेतृत्व नेत्रविक्रम चन्द “विप्लव”ले गर्दै आएका छन् ।

यता, एमालेसँग चुनावी तालमेल र पार्टी एकताको विषयमा माओवादी केन्द्रमा असन्तुष्टि र विमति जनाउँदै आएका केही नेता क्रान्तिकारी माओवादी र नेकपाको संयुक्त कार्यक्रममा सहभागी देखिएका छन् । चर्चित साहित्यकार तथा नेता आहुति, गोपाल किराँती र लोकेन्द्र विष्टमगर सो कार्यक्रममा देखिएका छन् ।

राष्ट्रियसभागृहमा नेकपा क्रान्तिकारी माओवादी र नेकपाले संयुक्तरुपमा आयोजना गरेको २३ औं जनयुद्ध दिवस ।
राष्ट्रियसभागृहमा नेकपा क्रान्तिकारी माओवादी र नेकपाले संयुक्तरुपमा आयोजना गरेको २३ औं जनयुद्ध दिवस ।

Loading…