प्रधानमन्त्री ओलीको प्रस्ताव प्रचण्डले मानेनन्




२०७४ फागुन २९ मंगलवार
NewsDesk ShikharNews

काठमाडौं । प्रधानमन्त्री केपी शर्मा ओलीको प्रस्तावलाई माओवादी केन्द्रका अध्यक्ष प्रचण्डले समर्थन जनाउन नसकिने बताएका छन् ।

प्रधानमन्त्री ओलीले उपराष्ट्रपतिमा राजपा नेपालका अध्यक्ष मण्डलका संयोजक महन्थ ठाकुरको नाम अघि सारेका छन् ।

तर, वाम गठबन्धनको प्रमुख घटक नेकपा माओवादी केन्द्रका प्रचण्डले ठाकुरको नाममा समर्थन जनाउन नसकिने जवाफ प्रधानमन्त्री ओलीलाई दिएका हुन् ।

स्रोतका अनुसार प्रचण्डले वर्तमान उपराष्ट्रपति नन्दबहादुर पुनलाई नै दोहोरिनुपर्ने अडान लिएका छन् । यसअघि ओली–प्रचण्डबीच यसबारेमा सहमति भैसकेको थियो ।

तर, राजपा पनि सरकारमा सहभागी हुने तयारी गरेसँगै ओलीले अध्यक्ष ठाकुरलाई यस्तो अफर गरेका थिए ।

Loading…