प्रधानमन्त्री ओलीको सूचना तथा प्रविधिविज्ञमा असगर अली






२०७४ चैत २१ बुधवार
NewsDesk Shikharnews

काठमाडौं, २१ चैत । प्रधानमन्त्री केपी शर्मा ओलीले आफ्नो सूचना तथा प्रविधिविज्ञमा बुधवार असगर अलीलाई नियुक्त गरेका छन् । सफल युवा आइटी उद्यमी अलीलाई प्रधानमन्त्री ओलीले सूचना तथा प्रविधिविज्ञमा नियुक्त गरेका हुन् ।

अलीले इसेवा सञ्चालन गरी प्रविधिको प्रयोगबाट देशभरि सहजढङ्गले जनतालाई सेवा दिँदै आएका छन् । अली नेपालको पहिलो पेमेन्ट गेटवे कम्पनी “इसेवा फोन पे प्रा.लि.”का कार्यकारी निर्देशक हुन् । नेपालमा डिजिटल भुक्तानीको विकास, विस्तार र जनतामा विश्वास जगाउने काममा उनले उल्लेखनीय योगदान दिएका छन् । नेपालमै पहिलोपटक आयोजना भएकोे सिइओ समिट तथा अवार्ड कार्यक्रममा अलीले “योङ सिईओ अफ दि इयर”को उपाधि समेत प्राप्त गरेका थिए ।