हलिउड फिल्म ‘ब्लाक प्यान्थर’का हिरो ‘बाहुबली’ अर्थात प्रभासका ठूला फ्यान




२०७५ वैशाख ४ मंगलवार

काठमाडौं, ४ वैशाख । हलिउडका फिल्म र अभिनेताका संसारभरी फ्यान छन् । तर हलिउडमा एक यस्ता एक्टर पनि छन्, जो बलिउड होइन एक क्षेत्रीय भाषाका सुपरस्टारका ठूला फ्यान हुन् ।

 

‘ब्लाक प्यान्थर’का अभिनेता विन्सटन ड्यूक ‘बाहुबली’ अर्थात प्रभासका ठूला फ्यान हुन् । यो जानकारी ड्युकले आफ्नो इन्टाग्राम एकाउण्टमा तस्विर पोस्ट गर्दै लेखेका छन् । उनले भनेका छन्, ‘म प्रभास र बाहुबली सीरीजको ठूलो प्रशंसक हुँ ।’

जब उनले यो तस्विर पोस्ट गरे, तब भाइरल भयो । ‘बाहुबली’ सीरीजबाट प्रभासको फ्यान फलोइङ ह्वात्तै बढेको छ । भारतमा मात्रै होइन विदेशमा पनि उनको उत्तिकै चर्चा छ । अहिले उनी ‘साहो’ फिल्मको सुटिङमा व्यस्त छन् । उनले चाँडै बलिउडमा डेब्यू गर्ने खबरहरु समेत सार्वजनिक भइरहेका छन् ।