गरिमा विकास बैंककाे ‘गरिमा रेमिट’ संचालनमा !




२०७५ जेठ १ मंगलवार
Newsdesk Shikharnews

काठमाडौ,१ जेठ ।  गरीमा विकास बैंकले ‘गरीमा रेमिट’ संचालनमा ल्याएकाे छ  ।

मंगलबार काठमाडौमा अायाेजित एक  कार्यक्रममा वैंकले  रेमिट  सञ्चालनमा ल्याएको घोषणा गरेको हो ।

कार्यक्रममा विकास वैंकका संचालक डा अानन्द  प्रसाद श्रेष्ठ र  विकासवैंकका कार्यकारि अधिकृत गाेविन्द प्रसाद ढकालले’गरिमा रेमिट’लेखिएकाे ब्यानरमा  हस्ताक्षर गरि उद्घाटन गरेका थिए ।

कार्यक्रममा विकास वैंकका कार्यकारि अधिकृत गाेविन्द प्रसाद ढकालले ‘सेवा सुविधा समय सापेक्ष रुपमा परिवर्तन गर्दै लैजानु पर्ने बताए।  ढकालले भने, ‘देश विदेशमा रकम सजिलै पाउने र पठाउने उद्देश्यले गरिमा रेमिट खोलीएकाे हाे ।’ दश वर्षदेखिको अनवरत खटार्इले रंग ल्याएको र गरीमा विकास बैंकलाई एक नम्बरमा ल्याउन आफूहरु अब्बल रहेको समेत  बताए । स्याङ्जामा स्थापना भएर राष्ट्रिय स्तरमै आफ्नो गरिमा राख्न सफल भएको ढकालले बताए ।

कार्यक्रममा विकास वैंकका सञ्चालक डा आनन्दप्रसाद श्रेष्ठले अब नयाँ अध्याय सुरु भएको बताए । ‘यस्तै कार्यक्रमहरु धेरै पहिले परिकल्पना गरेको हो, जुन आजदेखि सुरुभयो, त्यसको लागि पनि म्यानेजमेन्टका साथिहरु र सबैलाई धन्यवाद दिन चाहन्छु,’ उनले भने, ‘गर्ने तपाईंहरु हो नीति निर्देशन दिने बोर्ड हो । एक नम्बर विकास बैंक बनाउने भनेर मात्र हुँदैन, त्यसको लागि बजारमा भएका सबै आधुनिक सुविधा ल्याउनुपर्छ’ लगानी तथा विभिन्न हिसाबले आफूभन्दा माथि रहेका बैंकहरु किन माथि छन् भन्ने कुरा विश्लेषण गरी अघि बढेर नयाँनयाँ प्रोडक्टहरु लन्च गर्न सक्यो भने आँफू पनि माथि पुगिने उनले बताए ।