मकालु एयरको विमान दुर्घटना, चालक दलका सदस्यको मृत्यु




२०७५ जेठ २ बुधवार
Bishnu Phadera

काठमाडाै, २ जेठ । सुर्खेतबाट हुम्लाको सिमिकोटका लागि उडेको मकालु एयरको कार्गो जहाज हुम्लामा  दुर्घटनाग्रस्त रुपमा फेला परेको छ ।

हुम्लाको बाहुनखर्क भन्ने स्थानमा दुर्घटनाग्रस्त रुपमा फेला परेको हाे । त्रिभुवन विमानस्थलका प्रवक्ता प्रेमनाथ ठाकुरले दिएको जानकारी अनुसार माउण्टेन हेलिकप्टरको दुई वटा हेलिकप्टर दुर्घटनास्थलमा अवतरण गरेको छ ।

नाइन एन एयूजे कलसाइनको सो विमानमा पाइलट किरण भट्टराई र कोपाइलट आदित्य नेपाली सवार थिए । सुर्खेतबाट बुधबार बिहान हुम्लाको सिमिकोटका लागि विमान उडेको थियो । ६ः५५ मा सिमिकोटमा पुग्नुपर्ने विमान बीच बाटोबाटै सम्पर्क विच्छेद भएको थियो ।

दुर्घटनामा चालक दलका सदस्य किरण भट्टराइ र अादित्य नेपालीकाे मृत्यु भएको  बताइएकाे छ ।

यसअघि विमान भेटिएको सूचना गलत  : महाप्रबन्धक
यसअघि सम्पर्कविहीन जहाज बाजुरामा भेटिएको भन्ने सूचना गलत रहेको त्रिभुवन विमानस्थलका महाप्रबन्धक राजकुमार क्षेत्रीले बताएका छन् । उनले भने ‘नेपाल नागरिक उड्ययन प्राधिकरणका स्थानीय स्रोतबाट जहाज बाजुरामा भटिएको भन्ने प्राप्त सूचना गलत रहेछ ।’