एमाले स्थायी कमिति बैठक सुरू




२०७५ जेठ २ बुधवार
Newsdesk Shikharnews

काठमाडौं, २ जेठ । एमाले र माओवादी अध्यक्षबीच बिहिबार एकता समितिको बैठक बस्ने सहमति भएको केही बेरमा नै प्रधानमन्त्री निवास बालुवाटारमा नेकपा एमालेको स्थायी कमिटीको बैठक सुरु भएको छ।

पार्टी एकताका विषयमा छलफल गर्न बैठक बसेको हो।

बुधबार दिउँसो एमाले अध्यक्ष एवं प्रधानमन्त्री केपी शर्मा आली र माओवादी केन्द्रका अध्यक्ष पुष्पकमल दाहालबीच झण्डै दुई घण्टा लामो वान टु वान वार्तापछि एमाले स्थायी कमिटीको बैठक डाकिएको हो।

दुवै अध्यक्षले बिहीबार बिहान १० बजे पार्टी संयोजन समितिको बैठक बोलाउने सहमति गरेका थिए।

पार्टी एकता कै विषयमा छलफल गर्ने एमालेको स्थायी समितिको बैठक बस्न लागेको हो ।

यो बैठकले अहिले बस्न लागेको बैठकले पार्टी एकताको कार्यसूची र एमालेले अख्तियार गर्ने नीति तथा अडानका बारेमा रणनीति तय गर्ने बताइएको छ।
एमालेले लामो समयपछि स्थायी समितिको बैठक बोलाएको हो।

यसअघि एमालेको केन्द्रीय कमिटिको बैठक गत असोजमा बसेको थियो।