अागलागीमा परि एकजनाकाे मृत्यु

२०७५ मंसिर १८ मंगलवार
Newsdesk Shikharnews

बिष्णु कुमार आले, अर्घाखाँची, १८ मंसिर । अर्घाखाँचीको मालारानी गाउँपालिका वडा नं ६ मेहेलपानी चित्रेटोला निवासी जङ्ग बहादुर बिकको घरमा आगो लागि हुदा उनका ११ बर्षिय छोरा नारायण बिकको ज्यान गएको छ ।

हिडडुल गर्न नसक्ने छोरा घरभित्र बसेको बेला एक्कासी बिधुत शर्ट भई लागेको आगोको हुर्कोमा आफुले छोरालाई बचाउने प्रयास गर्दा पनि नसकिएको मृतकका बाबु जङ्ग बहादुर बि.कले बताउनु भयो । आगलागीबाट घरभित्र रहेका अन्नवाली, लत्ताकपडा नष्ट हुदा करीव १२ लाख ५० हजार बरावरको क्षती भएको प्रहरीले जनाएको छ । आगो नियन्त्रण बाहिर गएपछि समयमै गाँउलेले आगो नियन्त्रण गर्न नसक्दा मानविय क्षेति सहित ठूलो धनमालको क्षेति भएको प्रहरीले जनाएको छ ।