राष्ट्र बैंकद्वारा एक सय २१ अर्ब भारतीय रुपैयाँ खरिद

२०७५ मंसिर १३ बिहीवार
Newsdesk Shikharnews

काठमाडौं, १३ मंसिर । नेपाल राष्ट्र बैंकले चालु आर्थिक वर्षको पहिलो त्रैमास सम्ममा १ सय २१ अर्ब भारतीय रुपैयाँ खरिद गरेको छ ।

समीक्षा अवधिमा राष्ट्र बैंकले विदेशी विनिमय बजारबाट अमेरिकी डलर ६९ करोड ९१ लाख खुद खरिद गरी ८० अर्ब ७५ करोड बराबरको खुद तरलता प्रवाह गरेको छ ।

त्यसैगरी, अमेरिकी डलर १ अर्ब २ करोड, युरो १ करोड ६० लाख, पाउन्ड स्टर्लिङ्ग २ करोड र जापानी येन १० अर्ब बिक्री गरी १ सय २० अर्ब ९१ करोड बराबरको भरतीय रुपैयाँ खरिद गरेको हो ।

पहिलो त्रैमासमा वाणिज्य बैंकहरुले ३ सय ३६ अर्ब ८७ करोड रुपैयाँ र अन्य वित्तीय संस्थाले ३२ अर्ब ४४ करोडको अन्तर बैंक कारोबार गरेका छन् ।