३ करोड बक्यौता नतिरेपछि सौर्यको उडान बन्द

२०७५ मंसिर २० बिहीवार
Newsdesk Shikharnews

काठमाडौं २० मंसिर । तीन करोडभन्दा बढी बक्यौता नतिरेपछि सौर्य एयरलाइन्सको उडान बन्द भएको छ । एयरलाइन्सले त्रिभुवन अन्तराष्ट्रिय विमानस्थल कार्यालयलाई बुझाउनुपर्ने बक्योता नतिरेपछि नियमित उडान बन्द गरिएको कार्यालयका प्रमुख राजकुमार क्षेत्रीले जानकारी दिए ।

एयरलाइन्सले बक्यौता तिर्न बाँकी रकम करिब ३ करोड चुक्ता नगरेसम्म उडान हुन नदिने उनले बताए । सौर्यसँग हाल सिआरजे २०० सिरिजका दुईवटा जहाज रहेका छन् । एउटा जहाजले नियमित उडान भरिरहेको छ भने अर्को जहाजमा प्राविधिक समस्या आएकाले उडान भरेको छैन ।