मेरो गाउँ

२०७३ असोज २४ सोमवार
NewsDesk ShikharNews
Spread the love

पाक्न लागेका धानका बालाहरुको
पहेलो कार्पेट बिछ्याएर स्वागत गर्छ दशैको
दशै उन्मुक्त हास्छ
फुरुङ्ग हुँदै बिना सङ्कोच
फन्को लगाउदै रोटे पिङमा
लिङ्गे पिङको टुप्पो छुन मच्चिदै
हात भरी दक्षिणा अनि कानभरी
पहेला जमाराको आशीर्वाद बोकेर
फुरुङ्ग पर्छ दशै पराले झुपडिहरुमा
शहर
सुनका कचौरी भरी
लोभ लाग्दा असर्फी भरेर
बेल्जियम अनि सुन्दर कार्पेट बिछ्याएर
डिजिटल क्यामेरामा कैद गर्दै
धुलो धुवाले बिरसिलो स्वागत गर्छ दशैको
निस्सासिदै खाल्टे सडक छेउमा
उन्मुक्त मुस्कुराउने कोसिस गर्छ
कलेटी परेका ओठहरु उघारेर
आखिर सहर पनि त उसको आफ्नै हो नि !!
प्रेम राई ‘परीक्षित’