त्रिशूलीमा फेरि बस खस्यो, आठजनाको जीवितै उद्धार, एकजनाको शव भेटियो

२०७३ कात्तिक २ मंगलवार
NewsDesk ShikharNews
Spread the love

चितवन : राजधानीबाट भैरहवा जान आउँदै गरेको लु १ ख ७३९१ नं को रात्रि बस आज साँझ नारायणगढ–मुग्लिन सडकखण्डको दाहाखानी गाविस–६ को रिद्धिखोलानजिकै त्रिशूली नदीमा खसेको छ ।
आठ जनालाई घाइते अवस्थामा उद्धार गरिएको छ भने एकजनाको मृत्यु भएको छ । पुरुषको शव भेटिए पनि उनको पहिचान खुलेको छैन ।
इलाका प्रहरी कार्यालय मुग्लिनका प्रहरी निरीक्षक योगेन्द्रबहादुर हमालका अनुसार नौ जना गम्भीर घाइतेलाई उपचारका लागि भरतपुर पठाइएको छ । बसको आधा भाग त्रिशूलीमा डुबेकाले अन्य यात्रु बेपत्ता भएको हुनसक्ने भन्दै नदी र दुर्घटनास्थल आसपासमा खोजी कार्य गरिएको छ । प्रहरी र सशस्त्र प्रहरीको टोली खोजी कार्यमा खटिएको छ ।

दुर्घटनाग्रस्त बसको चालक र सहचालक सम्पर्कमा नरहेकाले बसमा कति यात्रु सवार थिए भन्ने खुल्न सकेको छैन । काठमाडौँबाट नारायणगढतर्फ आउँदै गरेको यात्रु बस साँझ पौने नौ बजे त्रिशूलीमा खसेको हो ।
मुग्लिन–नारायणगढ सडकखण्ड स्तरोन्नतिको काम भइरहेकाले पछिल्लो समय दैनिकजसो यहाँ दुर्घटना हुँदै आएका छन् ।

श्रोत