​अब लोकमानलाई जोगाउन सकिदैनःओली

२०७३ कात्तिक ७ आइतवार
NewsDesk ShikharNews
Spread the love

काठमाडौं,  ७  कात्तिक
नेकपा(एमाले)का अध्यक्ष केपी शर्मा ओलीले अख्तियार दुरुपयोग अनुसन्धान आयोगका प्रमुख आयुक्त लोकमानसिंहले कार्कीले पदको दुरुपयोग गरेकाले अब उनलाई जोगाउन नसकिने बताएका छन् । कार्कीलाई महाअभियोग लगाउने प्रस्तावबाट आफुहरु कुनै पनि हालतमा पछि नहट्ने उनले स्पष्ट पारेका छन् ।
शनिबार बिहान आफ्नै निवास बालकोटमा बिद्यार्थी नेताहरुसँथको भेटमा उनले संसदको ब्याक गियर नभएकाले अब पछि नहट्ने बताए । कार्कीले संविधान मिचेको ओलीको आरोप छ ।
धेरै लामो योजनापछि महाअभियोग प्रस्ताव आएके उनले बताए । ‘मेरै सरकारको पालादेखि नै महाअभियोग लगाउनेबारे छलफल भएको थियो,’उनले भने,‘कांग्रेसले पनि यसमा समर्थन गर्नैपर्छ । आवश्यकता र समयको मागभन्दा कोही जान सक्दैन । ’
लोकमानले पदको दुरुवपयोग गरी कतिपय कर्मचारीहरुलाई जर्बजस्ती फसाएको समेत ओलीले आरोप लगाएका छन् । बुधबार महाअभियोग प्रस्ताव दर्ता भएसँगै कार्की निलम्बनमा परीसकेका छन् । तर उनलाई जोगाउनका कांग्रेसका केही नेता र बिदेशी शक्तिकेन्द्र लबिङमा लागेका छन् । समानान्तर सत्ता चलाउने खोजेको र प्रतिशोधका आधारमा छानबिनको नाममा दुःख दिएको आरोप उनीमाथि लाग्दै आएको छ । उनको नियुक्ति विरुद्धको मुद्दा पनि सर्वाेच्च अदालतमा फैसलाको चरणमा छ ।

समिप गौतम
शिखरन्युज