हेटौँडाबाट काठमाडौँतर्फ जाँदै गरेको ना१ज २९५८ नंको सुमो जिप मंगलबार हेटौँडा–कुलेखानी सडकखण्डको हेबी भन्ने स्थानबाट करिब ६० फिट तल खस्दा जिपमा सवार एकजनाको घटनास्थलमा नै मृत्यु भएको छ ।
मृत्यु हुने यात्रुको नाम, ठेगाना खुल्न नसकेको जिल्ला प्रहरी कार्यालय मकवानपुरले जनाएको छ । सो जिपमा यात्रा गरिरहेका करिब १० जना यात्रु गम्भीर घाइते भई थप उपचारका लागि काठमाडौँतर्फ पठाइएको प्रहरी नायब उपरीक्षक बामदेव गौतमले जानकारी दिएका छन् । रासस
