मुस्लिम मूलकी अमेरिकी मिया खलिफाको पहिचान एक लोकप्रिय ‘पोर्नस्टार’ हो । पोर्नोग्राफीमा रुचि राख्ने या अश्लील चलचित्र हेरेर मनोरञ्जन लिनेहरूबीच विश्वभर चिनिएकी छिन् मिया । यिनको लोकप्रियता यतिसम्म छ कि उनलाई साउदी अरेबिया या कुनै मध्यपूर्वी मुलुकका लागि अमेरिकाको राजदूत बनाउनुपर्ने मागसहित अमेरिकामा हस्ताक्षर अभियान नै चलाइएको छ । आफ्नो सांस्कृतिक पृष्ठभूमिको रत्तिभर पर्वाह नगरी संसारका मानिसलाई एकसाथ उभ्याउन उनले पोर्नोग्राफीको माध्यमबाट अहम् भूमिका निर्वाह गरेकोले मुस्लिम देशमा अमेरिकाको राजदूत बनाइनुपर्ने र मुस्लिम देशमा मिया महान् अमेरिकी प्रतिनिधि साबित हुने सम्बन्धित अभियन्ताहरूको दाबी छ । पोर्नस्टार मियालाई राजदूत बनाउन हस्ताक्षर अभियान सुरु गरेका अभियन्ताहरूले उनलाई राजदूत बनाउनुपर्ने जिकिरसहितको निवेदन नवनिर्वाचित राष्ट्रपति डोनाल्ड ट्रम्पसम्म पु¥याउन पहल गरिरहेका छन् ।
