चिनियाँ पर्यटकलाई नेपाल भ्रमण गर्न आह्वान

२०७३ मंसिर ३० बिहीवार
NewsDesk ShikharNews
Spread the love

काठमाडाँै, ३० मङ्सिर । चीनका लागि नेपाली राजदूत लीलामणि पौडेलले नेपालमा प्रकृतिका अनुपम विशेषता भएको उल्लेख गर्दै चिनियाँलाई नेपाल भ्रमण गर्न आग्रह गर्नुभएको छ ।

नेपाली दूतावासले आज चीनमा आयोजना गरेको पर्यटन व्यावसायीसँगको अन्तक्र्रिया कार्यक्रममा उहाँले शाक्यमुनि बुद्धको जन्मस्थल र विश्वका सर्वोच्च शिखर सगरमाथासहित आठ हजार मिटरभन्दा सातवटा अग्ला र १४ वटा संसारकै उच्च हिमाल रहेको नेपालको भ्रमण गर्न चिनियाँलाई आग्रह गर्नुभएको हो ।

राजदूत पौडेलले नेपाल योग तथा ध्यानका लागि महत्वपूर्ण स्थल रहेको, एक सिङ्गै गैँडा, हात्ती पोलोका लागि अवसर, ¥याफ्टिङ, बञ्जी जम्प, प्याराग्लाइडिङ र पर्वतारोहणजस्ता अनुपम विशेषता रहेको पनि उल्लेख गर्नुभयो ।

लामो समयदेखि नेपाल र चीनबीचको सम्बन्ध अत्यन्त सौहाद्रपूर्ण रहेको उल्लेख गर्दै उहाँले सन् २०१६ देखि चिनियाँ पर्यटकका लागि नेपाली भिसा शुल्कमा छुट दिएको जानकारी समेत गराउनुभयो ।