‘भत्काई दिन्छु बाख्राको खोर’, ‘जाँउ कि क्या हो जिम खाना’, ‘तिते करेली’ लगायत चर्चित गीतका गायक प्रकाश ओझालाई १० बर्षका लागि जेल चलान गरिएको छ । केन्द्रिय अनुसन्धान ब्यूरोको टोलीले काठमाण्डौंको शंखमुलबाट ओझालाई पक्राउ गरेको हो । तीन नाबालिकाहरुलाई यौन शोषण गरेको आरोपमा अदालतबाट १० बर्षको जेल सजाय पाएका यि गायक लुक्दै हिडेको थिए ।
बालिकाहरुलाई यौन शोषण गर्ने अनि भिडियो खिचेर वेबसाईटमा हाल्ने गरेको आरोप उनलाई लागेको थियो । २०५९ सालदेखि लगातार दुई बर्षसम्म डर देखाई अनुचित प्रभावमा पारी नाबालिकाहरुसँग उनी अनौतिक सम्बन्ध राख्ने गरेको बताईएको छ ।
काठमाण्डौं जिल्ला अदालतले आदेश मुताबिक उनलाई केन्द्रिय कारागार सुन्धारा पठाईएको छ । मानब बेचबिखन तथा ओसारपसारका दुई मुद्दामा उनले जम्मा १० बर्ष जेलजिवन बिताउनु पर्नेछ ।
इटहरी घर भएका ४३ बर्षका गायक तथा हाँस्यकलाकार प्रकाश ओझा काठमाण्डौंमै बसेर लुकी छिपी गीत रेकर्ड गरेर बजारमा ल्याउने गरेका थिए ।
