बैंकर अनिल शाह छायांकन हुन लागेको बायोपिक ‘ब्लाइन्ड रक्स’मा अनुबन्धित भएका छन् । निर्देशक मिलन चाम्सले शाहको अनुबन्धन बारे पुष्टि गर्दै उनलाई चलचित्र डेब्यु गराउन लागिएको जानकारी दिए ।

आगामी सातादेखि सुट सुरु हुने चलचित्र दृष्टिविहिन प्रतिभावान युवती सृष्टि केसीमाथि बन्न लागेको हो । बैंकसँगै अभिनयमा डेब्यु गर्न लागेकोमा शाहले हर्ष व्यक्त गरेका छन् ।

नेपाल बैंकिङ संघका अध्यक्ष समेत रहेका शाह मेगा बैंकका प्रमुख कार्यकारी अधिकृत समेत हुन् । निकेश लिम्बुले निर्माण गर्न लागेको चलचित्रमा बेनिशा हमाल पनि रहनेछिन् । गौरी मल्ल र नाजिर हुसेन समेतको चलचित्रमा अभिनय रहने छ ।

बाल्यकालमै दृष्टि गुमाएकी सृष्टि अहिले उत्प्रेरणा जगाउने खालका प्रवचनमा सक्रिय छन् । ब्लाइन्ड रक्स संस्था मार्फत उनले युवालाई जीवन प्रति आशावादी तुल्याउन काम गर्दै आइरहेकी छन् ।