लिम्वुवान सव कमाण्डर मिलन चौसु सहित १५५ जना एमालेमा प्रवेश

२०७३ माघ २३ आइतवार
NewsDesk ShikharNews
Spread the love

नेकपा एमाले संसदीय दलका उपनेता एवं पूर्व सभामुख सुवास नेम्वाङले अन्तर्राष्ट्रिय विषयमा नेपालको एउटै दृष्टिकोण हुनुपर्ने बताउनुभएको छ ।

वर्तमान सरकारप्रतिको व्यवहारले नेपालको अन्तर्राष्ट्रिय सम्बन्धलाई कुनै फाइदा नगर्ने तर हानी गर्नेसक्ने तर्फ सचेत गराउँदै पूर्व सभामुख नेम्वाङले अन्तर्राष्ट्रिय फोरममा नेपालको एउटै धारणा हुनुपर्ने बताउनुभयो ।

सोमबार झापाको विर्तामोडमा विजयादशमी तथा तिहार छटको अवसर को गरिएको शुभकामना तथा पार्टी प्रवेश कार्यक्रमलाई सम्वोधन गर्नुहुँदै उहाँले अन्तराष्ट्रिय सम्वन्धलाई खेलाचीको रुपमा हेर्न र गर्न नहुने बताउनुभयो ।

१५५ जना एमालेमा प्रवेश

यसैबीच युवा सघ विर्तामोडको सहकार्यमा नेकपा एमाले नगर कमिटी विर्तामोडद्धारा आयोजित शुभकामना तथा पार्टी प्रवेश कार्यक्रममा विभिन्न पार्टी परित्याग गरि १ सय ५५ जना युवाहरु एमालेमा प्रवेश गरेका छन् ।

लिम्वुवान नेपालका झापा सव कमाण्डर मिलन चौसुको नेतृत्वमा ३४ जना, राप्रपा नेपालका क्षेत्रीय सदस्य प्रकाश लिम्वुको नेतृत्वमा २७ जना तथा युवा व्यावसायी नगेन्द्र अधिकारीको नेतृत्वमा ४४ जना गरि १ सय ५५ जना एमालेमा प्रवेश गरेका हुन ।

नवप्रवेशीलाई एमाले नेता नेम्वाङ, केन्द्रिय सदस्यहरु हिक्कत कार्की र देवराज घिमिरे, बैकल्पीक केन्द्रिय सदस्य रविन कोइराला, भाष्कर काफ्ले लगायतले अविर टिका र खादा ओढाएर स्वागत गर्नु भएको युवा सघ झापाका प्रचार सहसंयोजक राजकुमार ओलीले जानकारी दिनुभयो । कार्यक्रममा नेकपा एमाले १ नम्वर प्रदेश कमिटी सदस्यहरु, भातृ सघठनका केन्द्रिय सदस्यहरु, झापा जिल्ला कमिटीका अध्यक्ष चिन्तन पाठक, सचिवालय सदस्य एकराज कार्की लगायतले शुभकामना दिनु भएको थियो ।