गजल : अछुत भेट्टायौ…

२०७३ माघ २४ सोमवार
NewsDesk ShikharNews
Spread the love

मान्छे मान्छे बिचमा छुत अछुत भेट्टायौ !
को ठुलो, को सानो ? के सबुत भेट्टायौ ??

रगत चल्छ श्रम चल्छ पानी चल्दैन रे !
उ निच हो भन्ने कुन कर्तुत भेट्टायौ ?

मानिस ठुलो दिलले हुन्छ भन्छन् देवकोटा,
मानवतामा छुवाछूत बहुत भेट्टायौ !

छर्किँदैमा सुनपानीले शुद्ध भईँदैन,
अशुद्धलाई नर्क लाने यमदूत भेट्टायौ ?

मन्दिरको त्यो मुर्तिमा झुक्छ शिर सबको,
त्यही मुर्ति बनाउने चाहिँ कपूत भेट्टायौ ?
– मोहन अभिलाषी !