एलिसा राईलाई गायक सपन श्रेष्ठले लाने भए

२०७३ फागुन ५ बिहीवार
NewsDesk ShikharNews
Spread the love

चर्चित नायक दयाहाङ राई र निर्देशक निश्चल बस्नेससँग लैजाउ घुमाउन ठमेल बजार भन्दै ठुङ्का लगाएकी मोडल एलिसा राईलाई गायक सपन श्रेष्ठले लाने भएका छन् । तर कता भन्ने कुरा भने गायक सपनलाई नै थाहा होला । प्रसङ्ग गायक श्रेष्ठको गीत बोली मिठोको हो ।

पछिल्लो समय निकै नै मिहेनत गरिरहेका गायक श्रेष्ठको गीतको भिडियोमा मोडल एलिसालाई सपनको अपोजिटमा देखाइएको छ । आफूले उनलाई धेरै नै माया गर्ने र आँखाको डिलबाट आँशु खस्न नदिने जस्ता भाव बोकिएको शब्दलाई श्रुजना खत्रीले लेखकी हुन् भने इन्द्र आर पीले सङ्गीत भरेका हुन् ।

गायक श्रेष्ठले स्वर भरेको यो गीतको भिडियोमा सपन र एलिसाका अलावा सुष्मा, सुविका लगायतको पनि अभिनय देख्न सकिन्छ । अर्जुन तिवारीको छायाँकन रहेको उक्त गीतको निर्देशन दीपक एम सिङले गरेका छन् भने निशान घिमिरेले सम्पादन रहेको छ ।