फरार अभियुक्त पक्राउ

२०७३ फागुन १७ मंगलवार
NewsDesk ShikharNews
Spread the love

सुनसरी, १७ फागुन
ईटहरी उपमहानगरपालीका–१ बि.पी चोक स्थित महेन्द्र राजमार्गमा बिभिन्न मितिमा लुटपाट गरी फरार रहेका ईटहरी उपमहानगरपालीका–५ पचरुखी बस्ने ३८ बर्षीय राजन लिम्वु र निजकै भाई ३५ बर्षीय हरि लिम्वुलाई प्रहरीले सोमबार पक्राउ गरेको छ ।
अभियुक्त राजन लिम्वुले २०७३ साल माघ १२ गते ईटहरी उपमहानगरपालीका –१ मा रहेको मिङमिङ ज्वेलर्सबाट ३ लाख रुपैयाँ, पचरुखीमा रहेको पखरुखी मनि ट्रान्सफरबाट ३ लाख रुपैयाँ र २०७३ फागुन २ गते धरान उपमहानगरपालीका–१५ बुढासुव्वा चोकमा रहेको सेवा मनि ट्रान्सफरबाट ४ लाख ५० हजार रुपैयाँ हतियार देखाई लुटपाट गरेको साथै दुवै जनाले २०७३ फागुन १२ गते झापा बाहुनडाँगी –४ मा रहेको जावन विकास संस्थाबाट १ लाख रुपैयाँ लुटपाट गरेका थिए ।
यस सम्वन्धमा प्रहरीले आवश्यक अनुसन्धान गरिरहेको छ ।