काठमाडौं, १९ वैशाख । प्रमुख प्रतिपक्षी दल नेकपा एमालेले काठमाडौं महानगरपालिकाको मेयर पदका लागि विद्यासुन्दर शाक्यलाई उम्मेदवार चयन गरेको छ ।
सिंहदरबारस्थित पार्टी संसदीय दलको कार्यालयमा बिहानैदेखि अध्यक्ष केपी शर्मा ओली र नेता माधव नेपालले गरेको छलफलपछि यस्तो निर्णय भएको हो।
छलफलबाट बाहिर निस्किँदै दाबेदार शाक्यले आफूले टिकट पाएको बताउँदै मनोनयन दर्ताका लागि सभागृह तर्फ लागेका छन्।
एमाले संसदीय दलका प्रमुख सचेतक भानुभक्त ढकालले पनि शाक्यलाई उम्मेद्वारी दिने निर्णय भएको बताए।
