काठमाडौं, असार ११ – तेइस वर्षमुनिको एएफसी च्याम्पियनसिप फुटबलको छनौट खेलको तयारीमा रहेको नेपाली टोलीले बंगलादेशसँग मैत्रीपूर्ण फुटबल खेल्ने भएको छ । छनौटको तयारीमा रहेका नेपाल र बंगलादेशका २३ वर्षमुनिको टोलीबिचको खेल असार २७ गते काठमाडौंमा हुने अखिल नेपाल फुटबल संघ एन्फाले जनाएको छ । आउँदो महिना हुने छनौट खेलमा नेपाल युएई, उज्वेकिस्तान र लेबनन रहेको समूह डीमा छ । छनौटका खेल युएईमा हुने छन् । नेपालले डेढ हप्ताअघिदेखि प्रशिक्षक राजुकाजी शाक्य र सहायक प्रशिक्षक प्रकाश अर्यालको प्रशिक्षणा तयारी गरिरहेको छ ।