पोखरा क्षेत्रीय अन्तर्राष्ट्रिय विमानस्थल निर्माणको काम आगामी असोजदेखि सुरु हुने भएको छ । शिलन्यास भएको एक वर्षपछि भएको ऋण सम्झौता कार्यन्वयनमा आएसँगै विमानस्थल निर्माण कार्यसुरु हुन लागेको हो ।
विमानस्थल आयोजना निर्देशनालयले पोखरा एयरपोर्टको डिजाइनको अन्तिमरुप तयार पारेको छ । डिजाइनको अन्तिम रुप आयोजनाले विमानस्थल निर्माणको ठेक्का पाएको चाइना सिएएमसी इन्जिनियरिङ कम्पनी (सिएएमसी) लाई पठाइसकेको छ ।
चार दशक अघिदेखि चर्चामा रहेको पोखरा अन्तर्राष्ट्रिय विमानस्थल कास्कीको छिन्नेडाँडामा निर्माण हुदैँछ । चिनियाँ एक्जिम बैंकसँगको सहुलियत दरको ऋण लिएर नेपाल सरकारले विमानस्थल निर्माण गर्न लागेको हो ।सरकारले एक्जिमबैंकसंग विमानस्थल निर्माणको कुल लागत २१ करोड ७० लाख डलर अर्थात २१ अर्ब ४७ करोड रुपैयाँ मध्ये एक तिहाई रकममा विनाव्याज र बाँकी रकम २ प्रतिशत व्याजदरमा ऋण उपलव्ध गराउने सम्झौता गरेको थियो ।
Leave a Reply