प्यूठानको सरुमारानी गाउँपालिकाको वडा नं. ६ मा एमालेले विजयी भएको छ । प्यूठानमा एमालेले यो पहिलो जीत हो । नेकपा एमालेका तर्फबाट अध्यक्षका उम्मेदवार तुल बहादुर रोका सहितको प्यानल नै विजयी भएको हो ।

रोकाले ४ सय ९४ मत प्राप्त गर्नुभएको छ भने उनका निकटतम प्रतिद्वन्द्वी माओवादी केन्द्रका खिम बहादुर विकले ३ सय ३ मत प्राप्त गर्नुभएको छ । रोकाको प्यानलमा महिला सदस्य कमला उलुङ्गेले ४ सय ७७, दलित महिला सदस्य फुलमायाँ विकले ४ सय ९३, खुल्ला सदस्य तिल बहादुर बुढाले ४ सय ७६ र अर्का सदस्य ओबिराम बुढाले ४ सय ८३ मत ल्याएका छन् ।

सरुमारानी गाउँपालिकामा अध्यक्षमा एमालेका झग बहादुर विकले ८ सय २६ मत, उपाध्यक्ष मिना सोमैले ८ सय १९ मत प्राप्त गर्नुभएको छ । उहाँका निकटतम प्रतिद्वन्द्वी कांग्रेसका मोहन पन्थिले ४ सय ५८ तथा उपाध्यक्ष तुलसा विष्टले ४ सय ७५ मत प्राप्त गर्नुभएको छ । त्यसैगरी माओवादीका डोर बहादुर दर्लामीले ४ सय २४ तथा उपाध्यक्ष लक्ष्मी पल्लीमगरले ४ सय ७ मत प्राप्त गर्नुभएको छ । अहिलेसम्म एमाले कांग्रेसभन्दो ३ सय ६८ अगाडि छ ।