काठमाण्डौँ। उपराष्ट्रपति नन्दबहादुर पुन स्वदेश फर्किएका छन् ।

उपराष्ट्रपति पुन चीनको भ्रमण पूरा गरी सोमबार अपरान्ह स्वदेश फर्किएका हुन् । २३ औं चाईना लन्झाउ इन्भेष्टमेन्ट तथा व्यापार मेलाको उदघाटन समारोहमा भाग लिन उनी गत मंगलबार चीन प्रस्थान गरेका थिए ।

५ दिनको चीन बसाईपछि स्वदेश फर्किएका उपराष्ट्रपति पुनलाई त्रिभुवन अन्तराष्ट्रिय विमानस्थलमा प्रधानमन्त्री शेरबहादुर देउवा, सभामुख ओनसरी घर्ती, उपप्रधानमन्त्री तथा मन्त्रीहरुले स्वागत गरेका थिए । त्यस क्रममा उपराष्ट्रपति पुनको सम्मानमा नेपाली सेनाले सलामी अर्पण पनि गरेको थियो ।

उपराष्ट्रपति पुनले चीनमा रहँदा नेपाल–चीन व्यापारका विविध आयामका विषयमा छलफल गरोके परराष्ट्र मन्त्रालयले जनाएको छ ।