विवेकशिल नेपाली र साझा पार्टीबीच भोली (बुधबार) पार्टी एकता हुने भएको छ ।

रबिन्द्र मिश्र नेतृत्वको साझा पार्टी र उज्जल थापा नेतृत्वको विवेकशील नेपालीबीच भोली एकता हुन लागेको हो । भोली (बुधबार) दिउँसो साढे एक बजे इन्द्रेणी कम्प्लेक्स नयाँ बानेश्वरमा एकता घोषणा हुने दुबै पार्टीले संयुक्त विज्ञप्ति निकालेर जानकारी दिएका छन् ।

पहिलो चरणको स्थानीय चुनाव अगाडि पनि दुई पार्टीले एकता प्रयास गरेका थिए । तर, एकीकृत पार्टीलाई विवेकशीलका उज्ववल थापाले नेतृत्व गर्ने कि साझा पार्टीका रविन्द्र मिश्रले भन्नेमा कुरा मिलेको थिएन । अहिले दुवै पार्टीको नेतृत्व तहलाई समायोजन गर्ने र सामुहिक नेतृत्वमा अघि बढ्ने विषयमा सहमति भएको छ ।