बुटवल, १८ साउन । पाल्पाको तिनाउ गाउपालिका दोभानमा पहिरो खसेको छ । सिद्धार्थ राजमार्गको बुटवल–पाल्पा सडक खण्डमाथिबाट पहिरो खस्दा सडक अवरुद्ध भएको छ ।

दोभान प्रहरी चौकी भन्दा २ सय मिटर पूर्वतर्फ पहिरो खसेको हो । केही समयअघि खसेको पहिरोले सडक अवरुद्ध भए पनि बुटवलबाट उत्तर तर्फ जाने यातायातका साधनहरुको लामो लाइन लागेको छ । पहिरो खसेलगत्तै हटाउने काम शुरु भए पनि ठूलै ढिस्को खसेकाले केही समय लाग्ने स्थानीय विष्णु प्रसाद पाण्डेले बताए ।