एनएमबी बैंकले पायो अन्तर्राष्ट्रिय अवार्ड




२०७५ जेठ १७ बिहीवार
Newsdesk Shikharnews

काठमाडौँ, १७ जेठ – एनएमबी बैंकले आठौ आइएफसी ट्रेड अवार्ड्समा ‘बेस्ट इस्यूइङ बैंक पार्टनर इन फ्रेजाइल कन्ट्रीज–२०१७ साउथ एशिया’ अवार्ड पाएको छ । यो सम्मान प्राप्त गर्ने एनएमबी नेपालकै पहिलो वाणिज्य बैंक बनेको छ ।

योसँगै एनएमबी बैंकले अहिलेसम्म ३ वटा चर्चित अन्तर्राष्ट्रिय अवार्ड हात पारेको छ । ग्लोबल ट्रेड फाइनान्स प्रोग्राम-२०१७ मा बैकले गरेको सहकार्यका लागि रिजनल फाइनान्सियल इन्स्टीच्यूसन ग्रुप, आइएफसीका एशिया प्यासिफिकका प्रमुख भिटोरियो डी बेल्लोले एनएमबी बैंकका सीइओ सुनिल केसीलाई अवार्ड दिएका हुन् ।

अवार्ड पाएपछि एनएमबि बैंंकले एक विज्ञप्ति जारी गर्दै “समृद्ध नेपालका लागि” भन्ने नारा अद्दि सार्दै उर्जा, पर्यटन, साना तथा मझौला व्यवसाय तथा कृषि क्षेत्रमा वित्तीय लगानी गर्दै देशकै अर्थतन्त्रमा सघाएको उल्लेख गरेको छ ।

आइएफसी ट्रेड अवार्ड्सको प्राप्तिले एनएमबि बैकको अन्र्तराष्ट्रिय सम्बन्ध तथा अन्र्तराष्ट्रिय साझेदारहरुको सहकार्यमा नेपालका स्थानीय समुदायमा गर्नसक्ने ठूलो व्यापार लगानी क्षमतालाई प्रष्ट्याएको बताइएको छ ।

एनएमबीले यसअघि लण्डनको दि फाइनान्सियल टाइम्सबाट ‘दि बैंक अफ दि इयर २०१७’ र फ्रस्ट एण्ड सुलिभनबाट ‘सर्टिफिकेट अफ मेरिट’ अवाड हात पारिसकेको छ ।