मुस्ताङमा टिपर दुर्घटनाका मृतक परिवारलाई ५ लाख रुपियाँ दिने




२०७५ असार २६ मंगलवार
Newsdesk Shikharnews

काठमाडौं । मुस्ताङमा गत शुक्रबार टिपर दुर्घटनाबाट मृत्यु भएका परिवारलाई सरकारले पाँच-पाँच लाख रुपियाँ दिने भएको छ । सोमबारको प्रतिनिधिसभा वैठकमा गृहमन्त्री रामबहादुर थापाले मृतक परिवारलाई दिने घोषणा गरेका हुन् ।

संसदको बैठकको विशेष समयमा गृहमन्त्री थापाले मुस्ताङमा भएको सडक दुर्घटनाका बारेमा सदनलाई जानकारी गराएका थिए । असार २२ गते भएको टिपर दुर्घटनामा परी २० जना कामदारको मृत्यु भएको थियो । १२ जना घाइतेको मणिपाल अस्पताल पोखरामा उपचार भइराखेको मन्त्री थापाले जानकारी दिएका थिए ।

मृतकका परिवारलाई राहतस्वरुप प्रति परिवार ५ लाख रुपियाँ दिइने सदनलाई जानकारी गराएका थिए । घाइतेहरुको उपचार भैरहेको र अवस्था सुधारोन्मुख रहेको संसदमा जानकारी दिएका थिए ।
मृत्यु हुनेमा रोल्पा र दाङका धेरै छन् । त्यसैगरी धादिङ, कैलाली, कपिलवस्तु समेतका काम गर्न गएकाहरुको दुर्घटनामा ज्यान गएको थियो ।