राप्रपाले मंसिर मसान्तसम्म ५० हजार सक्रिय सदस्य थप्ने




२०७५ असार २७ बुधवार
NewsDesk Shikharnews

काठमाडौं, २७ असार । राष्ट्रिय प्रजातन्त्र पार्टीले आगामी मंसिर मसान्तसम्म ५० हजार नयाँ सक्रिय सदस्यहरु बनाउने निर्णय गरेको छ । अध्यक्ष कमल थापाको अध्यक्षतामा हिजोबाट प्रारम्भ भएको पार्टीको केन्द्रीय पदाधिकारी तथा प्रदेश अध्यक्षहरुको संयुक्त बैठकले त्यस्तो निर्णय गरेको हो ।

बैठकले चैत्र मसान्तभित्र प्रदेश अधिबेशन सम्पन्न गर्ने, पुस मसान्तभित्र गाउँ÷नगरपालिकाको वडा तहसम्म कार्य समिति गठन र पुर्नगठन गर्ने, भदौ १५ भित्र प्रदेशस्तरीय प्रशिक्षण र भेला आयोजना गर्ने निर्णय पनि गरेको छ । त्यसैगरी पुस मसान्तभित्र संयोजित संगठनहरुको गाउँ तहसम्म कार्य समिति गठन गर्ने, साउन महिनाभित्र हिन्दुराष्ट्र पुनस्र्थापना राष्ट्रिय जनजागरण अभियानको प्रदेश स्तरीय कार्यक्रमको शुभारम्भ गर्ने र चैत्र मसान्तभित्र संयोजित संगठनहरुको केन्द्रीय महाधिवेशन सम्पन्न गर्ने निर्णय गरिएको प्रवक्ता भुवन पाठकले जनाएका छन् ।