अस्बिन खड्का,असार २८

आज बाट सप्तरी क्रिकेट संघको आयोजनामा प्रथम मेयर कप सप्तरी प्रिमियर लिग प्रतियोगिता सुरु भएको छ । पब्लिक विन्देश्वरी माध्यमिक बिद्यालय मैदानमा सुरु भएको प्रतियोगिताको उद्घाटन राजविराज नगरपालिका का मेयर सम्भु यादबले गरेका थिए ।

टस जितेर ब्याटिंग गरेको सिद्धान्त लोहनी कप्तान रहेको बोदे बर्साइनले १९.१ ओभरमा ८६ रन बनाउन सफल भयो । जितको लागी ८७ रन को लक्ष्य पछ्याउने क्रममा जित नजिक पुगेको तिलाठी कोइलाडी ४ रन बनाउन नसक्दा खेलमा पराजित भयो ।

मेहबुब आलमको कप्तानीको टिमले अन्तिम २ बल मा ६ रन बनाउन नसक्दा प्रतियोगिता मा हार खान पुगेको हो । खेलको प्लेयर अफ द म्याच ४ विकेट लिएका बोदेका बलर नन्दन झा घोषित भए जसलाई राजबिराज न.पा. वडा नम्बर ८ का अध्यक्ष जयनारायण मण्डलले अवार्ड तथा रु. १ हजार ५०० प्रदान गर्नु भयो।