दिउँसो पेस्तोल देखाएर २५ लाख लुटपाट




२०७५ साउन २४ बिहीवार
Newsdesk Shikharnews

सिरहा,साउन २४ । सिरहा जिल्ला को मिर्चैया बजारमा आज बिहीबार दिउँसो पेस्तोल देखाएर लुटेराहरुले नगद  २५ लाख लुटपाट गरेका छन।

मिर्चैयाको राघोपुर बाट मनिट्रान्सफर सञ्चालक राजाराम साहको २५ लाख रुपैयाँ लुटिएको हो।

मिर्चैया स्थित ग्लोबल आईएमई बैंकबाट उक्त रकम झिकेर कार्यालयतर्फ आउने क्रममा साह माथी  लुटपाट भएको हो,साह ले कल्याणपुरमा मनि ट्रान्सफर सञ्चालन गर्दै आएका थिए । मोटरसाइकलमा आएका दुई व्यक्तिले उनलाई बाटोमा रोकी पेस्तोल देखाएर धम्काउदै पैसा भएको झोला लुटेर भागेका हुन्।

घटनाको अनुसन्धान भइरहेको मिर्चैयाका डिएसपी दीपेन्द्र शाहले बताए।