नेकपाको जिल्लामा एकीकरण शुरु, १३५ सदस्यीय कमिटी




२०७५ साउन २५ शुक्रवार
Newsdesk Shikharnews

पर्वत । नेकपाको केन्द्रको एकीकरणपछि जिल्लामा पार्टी एकीकरणको काम शुरु भएको छ । नेकपाको एकीकरण हुन लागेको पर्वत जिल्लामा १३५ सदस्यीय कमिटी बनाइने भएको छ ।

पार्टी एकता संयोजन कार्यदलले बिहीबार साविकको एमालेबाट ७२, माओवादी केन्द्रबाट ५८ तथा मनोनित पाँच सदस्य गरी कमिटीको टुंगो लगाएको हो ।

पार्टी एकता संयोजन समितिले साविक एमालेबाट ५५ प्रतिशत र साविक माओवादी केन्द्रबाट ४५ प्रतिशत सदस्य रहने गरी कमिटीको टुंगो लगाएको कार्यदलका सदस्य गोविन्द पहाडीले जानकारी दिएका छन् ।